 |
Nýggj føroysk samskiftisfyritøka sær dagsins ljós
DDAY er navnið á nýggjari marknaðar- og samskiftisfyritøku, hvørs endamál er at veita fyritøkum og privatum kundum heildartænastur og ráðgeving innan samskifti.
DDAY tekur sær av uppgávum sum búmerki, prent- og livandi lýsingar, tíðarrit, heimasíður, o.m.a.
Nýggja samskiftisfyritøkan fer at leggja seg eftir at veita framkomnar heimasíðuloysinir fyri sera kappingarførar prísir. Hetta verður gjørt í tøttum samstarvi við stóra heimasíðu-framleiðaran SmartWeb.
Stjóri í DDAY er Rógvi Sivertsen, ið hevur fleiri ára roynir sum sniðgevi og virdur listarligur leiðari (art-director) á vinnuliga tíðarritinum Vinnublaðið, www.vbl.fo.
DDAY og Business-line hava gjørt lýsingarsamstarv ið inniber, at heimasíður, ið verða framleiddar av DDAY kunnu lýsa við stórum avsláttri á Business-line, www.bl.fo og í Vinnublaðnum, www.vbl.fo.
Vitja heimasíðuna hjá DDAY her
Her kunnu tygum leita eftir navni á persóni, felag, bygd, býi v.m. Víðkaða leitifeltið gevur tygum enn fleiri leitimøguleikar, td. nevnd, stjórn, starvsfólkatal, osv.
