P/F LEIF MOHR
Pfnr.: 123
P/F LEIF MOHR
Støðisupplýsingar
Gøta
Smyrilsvegur 2
Bygd/býur
Tórshavn
Telefon
351220
Fax
351230
Teldupost
Heimasíða
Slag
P/F
Partapeningur
568000
Tal av starvsfólkum
22
Nevndarformaður
Grannskoðari
SPEKT
Roknskaparár
01.01 - 31.12
Endamál
Endamál felagsins er at reka el-installatørvirki og handil, harundir eisini finansiering, ídnað, umframt aðra vinnu, sum stendur í samband við nevnda virksemi, umframt at reka íløguvirksemi, harundir at gera íløgur í fastogn, valuta, partabrøvum og øðrum virðisbrøvum.
Vinnugrein
Bygningsvirki
Innleggingarvirki
El-innleggingarvirki
Virkislýsing
“Gott, skjótt og bíligt”

P/F Leif Mohr er føroysk fyritøka, ið bjóðar seg fram sum heildarveitari innan el-útbúnaða. Fyritøkan varð stovnað av Leif Mohr í 1935, og var hann stjóri, til hann doyði so brádliga 5. desember í 1978, bert 69 ára gamal. Leivur Holm – 3. ættarlið – er nú stjóri felagsins.

15. juli í 1935 vóru lunnar lagdir undir drúgva virksemið hjá P/F Leif Mohr, tá Leif Mohr við eini lýsing í Dimmalætting boðaði frá, at hann var farin undir egið installatiónsvirki og gjørdi alt elektriskt arbeiði »gott, skjótt og bíligt«.

Við varsemi, handilsmannagávum og avgjørdum kravi um reinføri og ordan í øllum lutum bygdi Leif Mohr eina el-fyritøku, sum bæði føroyingar og útlendingar hava álit á. Hann tók ongantíð óráð fyri í fyritøkuni, men var altíð úti um seg. Hann legði stóran dent á at hava greiðar linjur í einum og øllum, og eyðkennir hetta enn fyritøkuna.

Virksemið byrjaði við verkstaði í einum kjallara í Steinagøtu í Havn, men við árunum hevur virksemið fleiri ferðir vaksið seg so stórt, at neyðugt hevur verið at flutt í størri og betri høli. Menningin hevur verið stór, serliga tey seinnu árini, men fyritøkan hevur fylgt við og tikið tey stig, ið hava verið neyðug fyri framhaldandi at vera í fremstu røð.

Við meira enn 70' ára royndum eru vit tann størsta og mest framkomna fyritøkan av sínum slag í Føroyum og kunnu bjóða alla ta tænastu, sum nútíðin krevur av einum ráðgevandi og útinnandi elinnleggjaravirki og el-heilsølu. Harafturat kunnu vit við LM Handlinum bjóða alt tað nýggjasta og dygdarbesta innan eltól og elútbúnað.

Í dag húsast Leif Mohr, LM Handilin og LM Electric við øllum sínum virksemi á einum stað í stórum og rúmligum bygningi á Hoyvíksvegnum í Havn, og tilsamans eru starvsfólkini um 55 í tali.