P/F BYGMA BALSLEVS TIMBURHANDIL OG BYGGIBÚÐ
Pfnr.: 721
P/F BYGMA BALSLEVS TIMBURHANDIL OG BYGGIBÚÐ
Støðisupplýsingar
Gøta
Vegurin langi
Bygd/býur
Hoyvík
Telefon
311122
Fax
311241
Heimasíða
Slag
P/F
Partapeningur
1500000
Tal av starvsfólkum
40
Grannskoðari
Januar
Roknskaparár
01.01 - 31.12
Hjánøvn
P/F Balslevs Timburhandil og Byggibúð (P/F Bygma Balslevs Timburhandil & Byggibúð)
Tekningarreglur
Felagið verður teknað av tveimum nevndarlimum saman ella av allari nevndini.
Vinnugrein
Heilsøla og umboðshandil, undantikið bilar o.a.
Heilsøla við rávørum, hálvvirkaðum vørum og vørum til endurnntslu
Heilsøla við træi, byggitilfari, lakki og máling
Heilsøla við viði og byggitilfari; timburhandlar
Virkislýsing
Í 1906 stovnaðu tveir ungir menn, Harra Balslev og Harra Goos, umboðsvirki í Keypmannahavn. Goos fór til Føroyar og Íslands fyri at knýta handilssambond, og millum annað grundløgdu teir á Siglufirði Íslands fyrstu sildaolju verksmiðju. Hugsan teirra var at stovna eitt firma nakað sum Østasiatisk Kompagni og Det Baltiske Kompagni, um ikki so stórt sum tey. Virksemið skuldi serliga vera í teimum norðatlantisku londunum. Hetta gjørdist so við og við til stórt og heldur fløkt handilsvirksemi,sum fyri ein part mátti lúta fyri tí stóru niðurgangstíð, ið kom aftan á fyrra heimskríggj.

Hetta var støðan, tá ið Jørgensen, stjóri, í 1927 varð sendur til Føroyar at lata deild upp her. Tað varð byrjað í smáum, í einum høli á Hotel Thorshavn. Seinni fingu vit hølir í Vágsbotni, har vit vóru til mitt í 30-unum, tá ið stórur goymslu og skrivstovu-bygningur varð bygdur á tí nýggju bryggjuni við Eystaru vág. Virksemið øktist nógv hesi árini við heilsølu, kol- og timburhandli, og seinni legðist virksemi í samband við fiskiskap aftrat.

Saman við A.P. Møller rak felagið tvær fransaskonnartir, Maritè og Lieutenent Vedrines, umframt trý smærri skip, so tað var mangur sjómaður, ið fekk avrokning á skrivstovuni hjá Balslev hesi árini. Balslev & Co vóru eisini teir fyrstu, helst longu í 1928, ið sendu dampara til Grønlands at keypa fisk, og sigldu hann haðani beinleiðis til Spania. Undir seinna heimskríggi var tað mangan stríggið hjá timburdeildini at fáa fatur á timbri. Tí keypti felagið einaferð rekavið á "auktión". Tað vóru rekatrø, ið vóru rikin upp í Viðvík. Hesir viðabular blivu so sagaðir til plankar og brettir. Onkuntíð í 50-unum bleiv reiðaravirksemið selt frá, og seinast í 60-unum bleiv heilsølan eisini seld, tí at leiðslan helt, at tað var neyðugt at laga seg eftir teimum stóru samfelags-broytingum, ið stóðu fyri durum. Onkuntíð í 50-unum bleiv reiðara-virksemið selt frá, og seinast í 60-unum bleiv heilsølan eisini seld, tí at leiðslan helt, at tað var neyðugt at laga seg eftir teimum stóru samfelags-broytingum, ið stóðu fyri durum.

Í 1979 flutti timburhandilin niðan til Hoyvíkar í ein 3000 m2 stóran bygning á einum 10.000 m2 stórum øki. Seinni, í 1989, lat á sama stað Føroya fyrsta byggibúð upp við 1.500 m2. Í ár 2000 vórðu 5000 m2 keyptir aftrat, soleiðis at nú hevur virkið eitt øki upp á 15000 m2.

í 2002 tók Balslev ein nýggjan goymslubygning í nýtslu. Bygningurin er 1.300 m2 stórur, og verður brúktur til vørumóttøku og goymslu av timbri, plátum og øðrum byggitilfari.

í 2003 varð grannaognin sunnanfyri verandi øki keypt. Økið er 4000 m2 við tilhoyrandi bygningi á 600 m2 Hesin bygningur verður mest brúktur til okkara handverkarakundar at gera sperrur og annað í samband við bygging.

Í 2004 keypti Balslev økið vestanfyri. Hetta økið er umleið 5000 m2, og verður í løtuni grivið út og planerað. Eftir ætlan verður tað klárt at taka í nýtslu summarið 2006. Ætlanin er at brúka økið sum goymsluøki til bingjur, betonggóðs og annað.

Samanlagt hevur Balslev sostatt eitt samlað øki á umleið 24000 m2 . Av hesum eru umleið 6.500 m2 undir taki

Balslev, sum í dag ger seg galdandi sum eitt sera tíðarhóskandi og leiðandi virkið á sínum vinnuøki, gevur arbeiði til 40-45 fólk (heiltíðarstørv), og komandi miðvísar íløgur fara framhaldandi at tryggja felagnum eina sterka støðu í føroyskari byggivinnu.