P/F VARÐIN
Pfnr.: 931
P/F VARÐIN
Støðisupplýsingar
Bygd/býur
Gøta
Telefon
610600
Slag
P/F
Partapeningur
14742000
Tal av starvsfólkum
6
Nevndarformaður
Grannskoðari
Januar
Roknskaparár
01.01 - 31.12
Vinnugrein
Fiskiveiða o.a.
Fiskiveiði o.a.
Fiskiveiði
Fiskiveiði til ídnað
Virkislýsing
P/F Varðin er móðirfelagið hjá feløgunum, sum rekur fýra uppisjóvarskip:

P/F Hvamm, M/S Tróndur í Gøtu
P/F Krossbrekka, M/S Finnur Fríði
P/F Driftin, M/S Jupiter
P/F Gulenni, M/S Saksaberg

Sögan hjá Varðanum.

Varðin P/F varð stovnað í 1985. Tað vóru 16 menn, sum fyri 25 árum síðani tóku stig til at byggja Trónd í Gøtu. Tey fyrstu árini vóru tung at koma ígjögnum, og lítið manglaði í at alt fór av knóranum. Persónligi váðin var stórur, men samanhaldið sveik ongantíð og fyrst í 1990’unum broyttist gongdin til tað betra.

Vit eru í 1986. Tað er fult bluss undir øllum ketlum í landinum – eisini í Gøtu. Kortini eru fleiri sum halda, at skipini í Gøtu eru farin at eldast, og at vinnulívið í bygdini eigur at verða endurnýggjað.

Menn banka eitt sindur á ryggin hvør á øðrum, og endin verður, at 16 mans gera av at seta tilsamans 8,6 milliónir í eitt nýtt skip, sum fyrst og fremst skal fiska svartkjaft til matna. Skipið kemur við í “skipapakkan” hjá táverandi løgmanni Atla Dam, har 16 reiðarí fingu landskassaveðhald til nýggj skip, sum fær navnið Tróndur í Gøtu.

Alt sær ljóst út, tá byrjað verður. Svartkjaftur til matna tykist verða ein marknaður í vøkstri.

Men tá farið verður undir driftina, gongur ikki eftir vild. Bæði fiskarí og prísur svíkja. Tað er svenski bankin PK-finans, sum hevur umboð í Føroyum, ið fíggjar. Og har verða nógvir kreppufundir hildnir. Men hóast bankin letur reiðaríið sleppa undan at rinda avdrøg í tvey kvartal, gongur tað ikki.

Ein vón birtist tá prísurin á svartkjaftafarsinum, sum framleitt verður á Bakkafrost, hækkar í stórum. Reiðaríið samráðist um hægri prís fyri rávøruna – men hetta er júst tá umhvørvisfelagsskapir stríðast uppá tað harðasta móti føroyskum grindadrápi. Tað eydnast hesum felagsskapum at seta vøruna hjá Bakkafrosti í sera ringt ljós á týska høvuðsmarknaðinum. Úrslitið er, at prísurin fer úr 14 niður í 8 krónur fyri kilo.

Nú setur svenski bankin knívin á barkan. Okkurt álvarsamt má gerast. Og ein loysn er eyðsýnd: Hóast reiðaríið ikki klárar at svara hvørjum sítt, so fær manningin eina hýru, sum er væl hægri enn tað, ið forvinnast kann upp á landi. Og um hýruprosentið verður lækkað úr 20 niður í 16%, fer at síggja bjartari út.

Tá reiðarin leggur hetta fyri manningina, væntar hann torførar tingingar. Men í dag minnist hann tað sum mest positiva fund, hann hevur verið á. Tí manningin er ikki bara sett í starv hjá reiðarínum. Nærum allir teir, ið eru við, hava sjálvir sett heilt nógvan pening í verkætlanina. Teir vita, at fer skipið av knóranum, standa teir eftir við skuldini – men ongum skipi. Manningarfeløgini eru misnøgd við at teirra sáttmálar verða settir til viks, og ganga hart á reiðaríið. Men tá manningin sjálv vil hava hetta, er ikki so nógv at gera.

Á veg í fútarættin

Nú fer