Búskapurin í Evropa veksur skjótari enn væntað

Tað vísa tøl sum Evropeiska Hagstovan, Eurostat, júst hevur almannakunngjørt

Búskapurin í Evropa vaks við 0,4 % fyrsta ársfjórðingin 2025, samanborið við ársfjórðingin frammanundan.

Búskaparfrøðingar høvdu áður mett at búskaparvøksturin fór at hækka við 0,2 %. Samlaði vøksturin tað seinasta árið hevur verið 1,2 %.

Hetta merkir, at búskapurin í Evropa fer væl ílatin inn í handilskríggið, sum USA hevur sett í verk, sigur Bjørn Tangaa Sillemann, leiðandi búskaparfrøðingur hjá Danske Bank í eini viðmerking til tølini hjá Eurostat.

Hann leggur dent á at hesu tøl eru uppgjørd áðrenn “liberation day” tá tollmúrarnir hjá Trump vóru kunngjørdir.