Negativar rentur kunnu aftur gerast veruleiki

Miðbankin í Schweiz hevur kós móti negativum rentum

Meðan prísvøksturin herjaði meginpartin av heiminum, fekk hann ongantíð fótin fyri seg í fjallalandinum Schweiz. Prísvøksturin í maj var negativur og Miðbankin SNB væntast at taka avleiðingarnar og lækka rentuna við 0,5%. Og tá rentan longu er niðri á 0,25% verður rentan í Schweiz negativ.

Amerikanski miðbankin hevur fund í vikuni, men her verður mett at hann heldur rentuna á verandi støði til í heyst, tá ein rentulækking helst er veruleiki.

Hóast væntaðar rentulækkingar fyri framman, meta greinarar ikki at negativar rentur vera at síggja í Danmark ta fyrstu tíðina. Teir vísa tó á, at hetta kann henda og mæla til at vera árvakin, so at hetta ikki órógvar fíggjarligu javnvágina í samfelagnum, skrivar Børsen í dag.