Noreg spinnur gull av Hormuz-kreppuni

Norski búskapurin er í veitsluhýri vegna høgar oljuprísir og altjóða ótryggleika

At ongin sigling fer fram í Hormuz-sundinum, hevur givið ein skelk í útboðnum í oljumarknaðinum. Hendan støðan gav Noregi í mars mánaða størstu oljuinntøkur nakrantíð, sigur Olav Rørhus, búskaparfrøðingur hjá Statistisk Sentralbyrå, svarandi til almennu norsku Hagstovuna.

Nýggjar uppgerðir vísa, at útflutningurin hjá Noreg i mars mánaða var 134 mia DKK. Hetta ein øking á 50% í mun til februar í ár. Tað eru serliga oljuinntøkurnar sum gera tann stóra munin. Tær settu met í mars og øktust við 68 % í mun til undanfarna ár.