Danmark og Noreg - heimsins fremstu el-bilalond

Í maj mánaða vóru sløk 80% av øllum nýggjum skrásettum donskum bilum elbilar

Hóast nógv teir flestu seldu bilarnir í Danmark eru el-bilar, er støðan í ES sum heild ein heilt onnur, har bert hvør fimti seldur bilur í maj mánaða var el-bilur.

Meðan tað gongur trekt við sølu av el-bilum í Suðurevropa, er sølan av elbilum í Týsklandi og Fraklandi umleið ein triðing av samlaðu samlaðu bilasøluni.

Orsøkin til stóru el-bilasøluna í Danmark er ikki tilvildarlig, men skal finnast í miðvísa politikkinum hjá donsku stjórnini at stimbra undir umlegging til grøna orku. Hetta verður gjørt við bíligari skrásetingargjaldi, mvg-stuðuli v.m.

Sambært Danmarks Statistik umboða el-bilarnir við árslok 2025 umleið 18% av samlaðu donsku persónbilaparkini.

Hóast Danmark kann breggja sær av greiða oddasessinum sum leiðandi el-bilalandið í ES, stendur hetta tó ikki mát við Noreg, sum verður mett sum heimsins leiðandi el-bilaland, har omanfyri 90% av øllum nýggjum skrásettum persónbilum koyra við grønari orku.