Íverksetarahugurin í Danmark í stórum vøkstri

Fyrsta ársfjórðingin 2026 vaks talið á nýggjum fyritøkum í Danmark við 20% í mun til sama tíðarskeið í fjør. Tilsamans sóu 8.218 nýggjar fyritøkur dagsins ljós fyrsta ársfjórðingin 2026 sum er tað hægsta seinastu 5 árini.

Stóra hækkingin av nýggjum fyritøkum, samstundis sum talið á húsagangum er fallandi, avmyndar ein sterkan hug til íverksetan, hóast nógvir ótryggleikar síggjast í heiminum í dag.

Hetta er eisini ein ásannan av at danski búskapurin stendur á tryggari grund har vinnan vísir góð kappingar- og menningarevni, sigur Bo Rasmussen, stjóri í altjóða greiningarfelagnum Experian, sum hevur greinað gongdina innan íverksetan tey seinastu árini.

Danska stjórnin arbeiðir í løtuni við 41nýggjum átøkum, ið skulu bøta um fyritreytirnar hjá donskum íverksetarum. Endamálið er gera Danmark til heimsins besta íverksetaraland, sigur nýggi danski vinnumálaráðharrin, Morten Bødskov.