Metgóð úrslit hjá fyritøkum í USA og misnøgdir løntakarar

Hóast stóru avlopini er lønarparturin tann lægsti síðan 1950-unum.

Annan ársfjóðingin 2026 høvdu fyritøkurnar í USA eitt samlað avlop áðrenn skatt uppá 4800 mia dollarar, svarandi til 31.000 mia DKK. Hetta svarar til 18% av amerikansku bruttotjóðarúrtøkuni, sum er besta úrslit síðan annan heimsbardaga.

Tað skrivar Financial Times við støði í tølum frá greiningarhúsinum Bureau of Economic Analysis. Løntakaraparturin av hesum methøga vinningi hjá fyritøkunum, tvs lønir og aðrir starvsfólkaágóðar, er hinvegin fallin til tað lægsta síðan í 1950-unum, framgongur m.a. í greiningini.

Henda støðan, at fyritøkurnar fara avstað við alsamt vaksandi parti av vinninginum, hevur ført til misnøgd millum amerikanskar løntakarar. Meðan politiska leiðslan hjúklar um fyritøkurnar við umfatandi skattalættum, uppliva vanligu løntakararnir stórar príshækkingar á vørum og tænastum, samstundis sum almennar stuðulsskipanir eru skerdar.

– Gjógvin millum tey væl bjargaðu og vanliga løntakarin veksur ár um ár og og er hetta í stóran mun politisku leiðsluni í USA fyri at takka, skrivar Financial Times m.a. í viðmerkingum til greiningina.