Bilídnaðurin í Evropa stórar avbjóðingar fyri framman

Fallandi søla av elbilum, hørð kapping úr Kina og vánalig úrslit eru bert nakrar av avbjóðingunum, sum bilídnaðurin í Evropa stríðist við.

Herdu umhvørviskrøvini kunnu í versta føri geva bilídnaðinum bøtur upp ímóti 100 mia kr. Bøturnar koma at skaða kappingarevnini hjá bilavinnuni í Evropa mótvegis Kina.

Fleiri lond í Evropa mæla ES til at slaka upp á strongu umhvørviskrøvini, men tað er eitt vánaligt hugskot, halda serfrøðingar, tí tað kann skapa fordømi til aðrar vinnur.

ES nevndarforkvinnan, Ursula von der Leyen, hevur higartil noktað at slaka í krøvunum og fer miðvíst eftir sínum ætlanum móti 2035, tá søla av bensin og dieselbilum ikki verður loyvd.