Broyting í Vinnufelagslógini

 

ÍVF, Sp/f, P/F og S/F (partnarafelag) eru skipaði av Vinnufelagalógini. Kravt er at tey hava ein byrjunarkapital á millum 1 kr. og 500.000 kr. Tað kunnu vera ein ella fleiri eigarar, sum hava avmarkaða ábyrgd fyri skuldina hjá felagnum.

 

Íverksetarafeløg (ÍVF), smápartafeløg (Sp/f), partafeløg (P/F) og partnarafeløg (S/F), verða eisini samlað kallað kapitalfeløg. Eitt felag er ogn hjá tí ella teimum persónum ella fyritøkum, sum hava smápartarnar ella partabrøvini í felagnum. Feløgini eru sjálvstøðugar løgfrøðiligar eindir og eigararnir ábyrgjast ikki persónliga fyri skuld hjá felagnum.

 

 

Tá ognarskarin og leiðslan í einum ÍVF ella Sp/f ofta er sami persónur, eru krøvini til leiðsluna og hvussu avgerðir verða tiknar, ofta einfaldari enn í partafeløgum. Eitt ÍVF ella Sp/f kann til dømis velja bert at hava eina stjórn uttan at hava nevnd ella eftirlitsráð, og tað er nógv størri frælsi fyri smápartahavarar at gera avtalu um viðurskiftini enn møguleiki er í partafeløgum.

 

 

Fyri ÍVF, Sp/f, P/F ella S/F er kravt:

 

Innskot frá eigarunum. Eigararnir ábyrgjast bert við sínum innskoti fyri skyldur felagsins

 

At felagið ger roknskap og letur roknskap inn talgilt

 

At felagið ger eigarabók yvir allar eigarar og veðhavarar. Haraftrat skulu eigarar, sum hava ræði á 5% ella meiri av kapitalinum ella atkvøðunum skrásetast í Almennu Eigaraskranni.

 

Les meira á skráseting.fo