Byggifelag fýrafaldar avlopið

25. jul. 2014
Bruttovinningurin í fjør øktist við góðum 6 mió kr, meðan starvsfólkaútreiðslurnar bert øktust við hálvaaðru mió kr. Fallandi fíggjarligar útreiðslur gjørdu eisini sítt til, at pláss var til eitt munandi avlop í rakstrinum í mun til árið frammaundan.

 
Felagið sigur í síni ársfrágreiðing, at fyrra hálvár 2013 gav ábendingar um, at vánaliga gongdin síðan fíggjarkreppuna fór at venda og sum árið leið, merktist veruliga, at gongd var komin á aftur byggivinnuna og talið á útbjóðingum vaks. Prísirnir vóru tó framvegis undir trýsti, men virkemið øktist væl yvir miðal seinastu 5 árini.
 
Samanumtikið er felagið nøkt við ársúrslitið, ið gjørdist góðar 6 mió kr eftir skatt í mun til 1,5 mió kr undanfarna árið.
 
Eginpeningur hjá P/F Articon var við árslok 35,6 mió kr. Miðaltalið á starvsfólkum var 125.
 
Sí vinnuskránna hjá P/F Articon her
 
Mynd:  Byggiverkætlan Articon – Skúlin við Løkin
 

Aðrar greinar