Danske Bank liggur í botni í váðameting hjá Bankresearch

Annað árið á rað liggur størsti bankin í Danmark, Danske Bank, í botninum av 50 peningarstovnum í árligu váðametingini av bankum og sparikassum í danska ríkinum. Váðametingin av føroyskum bankum og sparikassum er eisini fevnd av kanningini.

Váðametingin er gjørd av greiningarfelagnum Bankresearch, sum hvørt ár ger váðametingar av øllum bankum og sparikassum í danska ríkinum.

Tølini í uppgerðini eru grundað á 21 ymisk lyklatøl, ið eru funnin við støði í roknskapunum hjá bankum og sparikassinum í danska ríkinum. Lyklatølini innihalda viðurskifti sum eitt nú kapitalstøðu, útlit, niðurskrivingar, inntøkumøguleikar, v.m.

Sum tað framgongur av talvuni niðanfyri liggja Betri Banki og BankNordik væl fyri á avikavist 8. og 12. plássi, meðan føroysku sparikassarnir eru staðsettir á ávikavist 41. og 49. plássi í uppgerðini hjá Bankresearch. Størsti bankin í Danmark, Danske Bank, liggur á 46. plássi og fær tí eina botnstaðseting, eins og hann fekk árið frammanundan.

Kelda: Bankresearch/ Børsen