Danski búskapurin størri framgongd enn áður mett

Danski búskapurin stendur seg betri enn áður mett, vísa nýggjastu uppgerðirnar hjá Danmarks Statistik

Í eini nýggjari endurskoðaðari uppgerð yvir gongdina í bruttotjóðarúrtøkuni, upplýsir danski hagfrøðistovnurin at hon vaks við 2,6 % í fjórða ársfjórðingi 2023.

– Hetta er ein óvanliga góð gongd, heldur leiðandi búskaparfrøðingurin í Danske Erhverv, Tore Stramer. Framgongdin er sostatt 0,6 prosentstig størri enn áður gjørdar uppgerðirnar vísa.

Tað er serliga framgongd innan ídnað, handil og flutning, ið hava skorðað undir vøksturin í fjórða ársfjórðingi 2023.