Danskir bankar hava lækkað rentumunin munandi

Tað er vorðið munandi bíligari at lána pening í donskum bankum seinastu tvey árini, meðan innlánsrentan sum heild ikki er hækkað. Tað skrivar tíðarritið Finans í dag.

Nýggjar uppgerðir vísa, at rentumarginalurin hjá donskum bankum er lækkaður úr 4,6 % í september 2023 til 3,8 % í dag. Rentumarginalurin er munurin millum útláns- og innlánsrentur.

Sambært leiðandi búskaparfrøðinginum í Mybanker, Jens Hjarsbech, er frágreiðingin eitt harðligt prískríggj á bústaðarrentum.

”So hvørt Danski Tjóðbankin hevur lækkað rentuna, er rentumarginalurin tódnaður. Samstunds fóru bankarnir í prískríggj fyri at fáa fatur í kundunum. Hetta eru høvuðsorsøkirnar til at rentumarginalurin er lækkaður munandi hesi seinastu tvey árini”, sigur Jens Hjarsbech.

Uppgerðirnar vísa, at tað í stóran mun eru teir størru donsku bankarnir, ið veita tey bíligastu lánini.