Bankar í Evropa forvinna 745 mia kr eyka av rentuhækkingum

Tað skrivar Financial Times við støði í kanning, gjørd av stórbankanum UBS í Schweiz.

Kanningin vísir, at bankanir í Evropa hava havt ein óvanliga stóran vinning av rentuhækkingunum seinastu 18 mánaðirnar.

Hesa tíðina hava bankarnir havt ein óvanligan vinning áljóðandi 100 mia evrur, svarandi til 745 mia kr., orsaka av rentuhækkingum.

Samlaða nettorentuinntøkan hjá bankunum í Evropa hevur í inniverandi ári verið 378 mia evrur. Hetta er ein hækking upp á 40% samanborið við 2021, tá rentuinntøkurnar vóru 270 mió evrur.

Seinastu tvey árini eru útlánini bert hækkað við 2 prosentum. Sostatt stava flestu óvanligu inntøkurnar frá inntøkum av rentumarginalinum, skrivar Financial Times.