Endamál
Endamál felagsins er sambært lóg at umsita tryggingar, sum vórðu teknaðar í Føroya Lívstrygging fyri 1. januar 2000, tá Føroya Lívstrygging varð umskipað í partafelag, og rekur felagið sítt virksemi eftir ásetingunum í løgtinslóg nr. 53 frá 12. mai 2015 um P/F Lív lívs- og pensiónstryggingarfelag._x000D_
Felagið er sostatt eitt felag undir avtøku, sum avviklar og rekur ta yvirtyknu tryggingarmongdina yvir eitt avtalað tíðarskeið, íroknað hækkingar og aðrar broytingar í samsvari við gjørdar avtalur við hvønn einstakan_x000D_
tryggingartakara. Felagið kann ikki tekna nýggjar lívs- og eftirlønartryggingar, ella hava annað virksemi._x000D_
Felagið skal hava ein lutfalsliga langan íløgusjónarring og skal hava eina burðardygga íløguætlan við tí endamáli at tryggja eitt so stórt og virðisfast avkast sum gjørligt, við neyðugum atliti at váða, konsolidering, umsetiligheit umframt etikki og umhvørvi. Í hesum sambandi skal ognin setast soleiðis at avkast og váði eru í einum rímuligum lutfalli.