Framvegis góðir pengar í frálandavinnuni
3. mai. 2015Tað eru framvegis góðir pengar í frálandavinnuni, um blaðað verður í feskastu ársfrásagnunum hjá feløgunum á Skansavegi í Havn við Osmund Justinussen, o.ø. sum eigarum.
Størsta avlopið av teimum 6 feløgunum hjá Osmund Justinussen, o.fl.,ið lótu ársfrásøgn inn í farnu viku, hevði felagið P/F 6. september 2006, ið rekur 5 skip í frálandavinnuni. Avlopið eftir skatt gjørdist slakar 87 mió kr., móti 128 mió kr árið fyri. Hóast EBIT – úrslit áðrenn rentur – var hægri enn undanfarna ár, vóru fíggjarútreiðslurnar 50 mió. kr. hægri enn árið fyri og hesar drógu niður á botnlinjuni.
Góða úrslitið togar felagið upp á hægstu røkur (eftir Bakkafrost-samtakinum) á topplistanum hjá BL.FO fyri úrslit 2014 (sí topplistan her)
P/F 6. september 2006 er eitt av teimum sterkastu feløgunum í landinum, við eginpeningi omanfyri hálva milliard, sagt neyvari, 555 mió kr.
Sí vinnuskránna hjá P/F 06. september 2006 her
Sí allar broytingarnar í vinnuskránni BL.FO her
Sí nýggjastu roknskapirnar í BL.FO her
