Hækkandi rentur geva bankum vind í seglini
23. jul. 2023Teir størstu seks donsku bankarnir vænta metgott úrslit fyri 2023
Tað vísir ein uppgerð sum danska vinnublaðið Børsen júst hevur kunngjørt við støði í teimum fráboðanum sum hesir bankar hava gjørt um útlitini um úrslit fyri 2023 eftir skatt.
Hesir seks størstu donsku bankarnir vænta tilsamans at forvinna góðar 41 mia kr í 2023. Hetta er 13 % hægri enn metárið 2017, tá hesir somu bankar forvunnu góðar 35 mia kr.
”Tað er gott at vera bankastjóri fyri tíðina” sigur Nicholas Rohde, ið rekur felagið Bankresearch, sum fylgir væl við gongdini í donsku bankavinnuni.
