2024: Besta árið higartil hjá ferðavinnuni í Evropa

Ferðafólk streyma til londini í Evropa sum ongantíð áður. Hetta er gott fyri búskaparvøksturin, men kann verða ein avbjóðing í staðbundnum støðum. Við sløkum 20 mió vitjandi er London mest vitjaða ferðamálið í Evropa.

Bíðirøðirnar vaksa alsamt á strondum, søvnum og øll borð eru upptikin á matstovunum.

Eftir fýra ár við alheimsfarsøtt og inflatiónskreppu merkir ferðavinnan í Evropa aftur ein bráðvøkstur. Tølini fyri komur og gistingar fóru fyrra hálvár 2024 upp um støðið í 2019.

Tað vísir ein nýggj uppgerð frá ETC, sum er eitt samtak af ferðavinnufyrskipanum í 35 londum í Evropa.

Samlaða talið á komum í Evropa var 12% hægri fyrra hálvár 2024, samanborið við sama tíðarskeið árið fyri. Talið á gistingum øktist við 10%.  Verður samanborið við 2019 er talan um ein vøkstur uppá 7% skrivar danska vinnublaðið Børsen.