Metstórt tal av donskum vakstrarfyritøkum í 2022

Ongantíð áður hevur talið á donskum vakstrarfyritøkum verið hægri enn í ár. 

Síðan 1995 hevur danska vinnublaðið Børsen hvørt ár uppgjørt talið á solkallaðum Gazellum, tvs fyritøkum við serliga stórum vakstareginleikum og heiðrað tær við heiðursskjali.

Hóast myrk skýggj hava rakt heimsbúskapin, slær talið á donskum gazellum met í ár. Ikki færri enn 2651 danskar fyrtøkur kunnu í 2022 krýna seg við heitinum ”Gazella”  Hetta er nógv tað størsta talið síðan byrjan í 1995.

Gazellufyritøkurnar hava stóran týdning fyri búskapin, tí tað er her at tey mongu arbeiðsplássini verða skapt. At so nógvar fyritøkur vaksa so nógv í hesum døpru tíðum vísir teirra serligu styrki.

Ein gazella er ein fyritøka, ið hevur megnað at tvífalda umsetning ella bruttovinning seinastu fýra árini og samstundis havt positivan vøkstur øll árini.

Business-line hevur áður samstarvað við Børsen um føroyskar gazellur og heiðrað tríggjar vinnarafyritøkur, allar í byggivinnuni, við heiðursmerki.