Milliardir streyma í kassan hjá Manchester United
8. mar. 2025Hóast sera vánalig ítróttarlig úrslit, tryggja trúfastir United-fjepparar, at milliardir framvegis streyma í kassan hjá enska fótbóltsfelagnum Manchester United.
Fyri tíðina gráta milliónir av ManUnited fjepparum nærum hvørt vikuskifti, tá teir síggja, hvussu teirra lið nærum tapir hvønn dyst í Premier League.
Men MU-fjeppar fáa nú eina óvæntaða hjálp. Greinarar hjá schweiziska stórbankanum UBS meta, at tað eru stórir inntøkumøguleikar í Manchester United partabrævinum.
Hóast ítróttarligan niðurtúr hevur Forbes Magasin roknað seg fram til, at samlaða virðið á Manchester United í 2024 var 6,6 milliardir dollarar. Á næstu plássunum koma Barcelona, Liverpool og Manchester city.
”Manchester United er ávegis til tað vánaligasta árið í søguni hjá Premier League. Hóast hetta ikki sær gott út í løtunu, síggja vit møguleikar fyri batar fyri framman og eina møguliga topp-støðu longur frammi. Vit meta at rætti prísurin fyri eitt MU-partabræv átti at verið 21,75 dollarar, sum er 48% høgri enn í dag ” siga greinararnir hjá UBS.
Tí hevur UBS eitt viðmæli um keyp av MU-partabrævinum.
Roknskaparligu úrslitini hjá Manchester United hava verið blóðreyð tey seinastu 5 árini. Tí eru ikki øll samd við UBS um at viðmæla keyp av MU-partabrøvum. Deutsche Bank mælir eitt nú hvørki til keyp ella sølu av MU-partabrævinum, skrivar Børsen í dag.
