Norski oljugrunnurin minkaði við 1270 mia. kr. fyrra hálvár 2022

Eitt vánaligt hálvár á altjóða partabrævamarknaðum hevur kostað nógv hjá risastóra norska oljugrunninum, sum teir fyrstu seks mánaðirnar í 2022 misti ikki minni enn 1680 mia. norskar kr., svarandi til 1270 mia. kr.

Hetta svarar til eina úrtøku á -14,4 %.

Tað skrivar Norges Bank Investment  Management, ið umsitur oljugrunnin í eini pressufráboðan í dag. Leiðandi stjóri í NBIM er Nicolai Tangen (myndin).

Peningurin frá oljugrunninum kemur frá sølu av olju og gassi og frá inntøkum av íløgum í alskyns virðisbrøv í ymiskum vinnugreinum um allan heim. Grunnurin hevur mist pening í nærum øllum íløgum, framgongur av pressufráboðanini.

Tað er tó ongin orsøk hjá norðmonnum at vera alt ov vónsviknir.  Grunnurin hevði minni tap enn leiðandi amerkanska S&P indexið, ið vísti eitt minus uppá 20,6 % fyrra hálvár 2021. 

Og so kunnu norðmenn ugga seg við at tað framvegis standa 8800 mia. kr í oljugrunninum við endan av fyrra hálvári 2022.