Vitlíkiskreppa í USA: Feløg mistu 800 mia dollarar eftir eini viku

Fíggjarligt ódnarveður hevur rakt fleiri av hátøknifeløgunum í USA. Hetta hevur ført til ógvusligar virðislækkingar.

Sambært Financial Times hava átta av størstu feløgunum innan vitlíki  (AI) í USA, herundir Nvidia, Meta, Palantir og Oracle samanlagt mist umleið 800 mia dollarar, svarandi til slakar 5.200 mia kr.

Hetta hevur samstundis drigið tøkniliga indexið, Nasdaq, niður við 3% sum tað lægsta síðan apríl mánaða, tá Trump kunngjørdi nýggjar tollsatsir.

Financial Times peikar á, at óttin stavar frá óvissuni um stóru íløgurnar í vitlíki kunnu bera seg í longdini. Fleiri av stóru feløgunum hava gjørt sera stóra íløgur innan hesa vinnugrein og meginparturin av hesum eru lánifíggjaðar.

– Hetta minnir ikki sørt um KT-bløruna um aldarskiftið, sigur Floria Lelpo, íløgustjóri hjá Lombard Odier Investment Managers við Financial Times.