P/F Formula økir um ferðina
23. mar. 2013Í dag kom roknskapurin fyri 2012 hjá stóru KT–fyritøkuni, P/F Formula inn á Business-line, BL.FO.
Úrslitið áðrenn skatt gjørdist eitt avlop á 2,8 mió kr móti halli árið fyri á slakar 3,4 mió kr.
Bruttoavlopið øktist í fjør við 7,5 mió kr. í mun til 2012 svarandi til ein vøkstur á góð 21%. Og tá lønarútreiðslurnar í sama tíðarskeiði bert eru hækkaðar 1,75 mió. kr var pláss til avlop, hóast óvanlig tap av partabrøvum.
Um fyritøkan ikki hevði avskrivað 4,5 mió vegna tapi av partabrøvum í P/F Itexo, áður kent sum Formula International, so hevði avlopið verið millum 5 og 6 mió kr. Felagið sigur í síni ársfrágreiðing, at tað koma ikki fleiri tap av hesum partabrøvum, tí tey eru avhendað í 2012.
Eginpeningurin við árslok 2012 var 26,7 mió kr. Í meðal starvaðust 65 fólk í P/F Formula í fjør.
Sí vinnuskránna hjá P/F Formula í Business-line her
