P/F SMS selur framvegis fyri eina triðingsmilliard
27. mar. 2013P/F SMS eigur og rekur 10 matvøruhandlar: 5 Bonushandlar, Miklagarð í SMS við slaktaradeild og Brotið í Saltangará. Harafturat hevur felagið 3 Mylnur og rekur egið bakarí.
Herumframt leigar felagið sølumiðstøðina frá P/F Fastogn og framleiðar handilshølir til handlarnar í sølumiðstøðini
Sølan hjá stóru handilssamtøkuni P/F SMS hevur verið sera støðug tey seinastu 5 árini, og hevur ligið millum 323 og 336 mió kr. Nettosølan í 2012 var slakar 336 mió kr, júst á sama støði sum árið fyri. Avlopið áðrenn skatt var 5,3 mió kr móti 6,4 mió kr árið fyri.
Fíggjarstøðan javnvigar við 124 mió. kr. Eginpeningurin var við árslok 2012 góðar 50 mió kr.
Meðal starvsfólkatalið hjá SMS var í fjør 260.
Leiðslan í P/F SMS er mannað við Christian Andreasen, nevndarformanni og Niels Mortensen, stjóra.
