P/F SMS: Sølan nærkast hálvari milliard
5. apr. 2018P/F SMS hevur tvey høvuðsvirksemi, at reka 12 matvøruhandlar og rakstur av sølumiðstøðini SMS.
Samlaða sølan í fjør 431 mió kr, ein lítil framgongd í mun til søluna undanfarna ár, ið var 409 mio kr.
Avlopið eftir skatt gjørdist góðar 12 mió kr í fjør, ein lítil framgongd í mun til 2016.
Eginpeningsavkastið var 19,6% meðan gjaldførislutfallið var 110%.
Hóast bert 2,8 % av søluni lógu eftir niðast á botnlinjuni, sigur leiðslan seg vera nøgda við ársúrslitið.
Starvsfólkatalið hjá P/S SMS er 199. Eginpeningurin við árslok var 65,5 mió kr.
