P/F Varðin í Gøtu hevði 65 mió kr í avlopi í fjør
23. jun. 2013Orsøkin til minkandi avlopið er deils minkandi fiskiskapur eftir makreli, og minking í sildakvotuni við heili 26%. Hóast prísurin á sild í fjør var hægri enn nakrantíð, lækkaði sølan hjá øllum skipunum í mun til árið frammanundan.
Samstundis sum innøkurnar minkaðu, staðfesti felagið hækkingar í oljuútreiðslum. Herumframt fekk felagið øktar útreiðslur av veiðugjøldum, og hevur hetta eisini ávirkað úrslitið, framgongur av nýggjasta roknskapi felagsins, ið júst er almannakunngjørdur á Business-line, BL.FO.
Samlaða sølan í samtøkuni í fjør var góða hálva milliard og starvsfólkatalið við ársenda 2012 lá um tey 300.
Umframt nótaskipini Finnur Fríða,Tróndur í Gøtu, Jupiter og Saksaberg eigur P/F Varðin trolarin Heykur og stóran part í P/F Skygni og P/F Origin.
Í 2012 var P/F Varðin ein av stovnarunum av P/F Varðin Pelagic, sum rekur uppisjóvarvirki á Tvøroyri. Varðin eigur 75% av hesum felag.
Sí vinnuskránna hjá P/F Varðin her
Sí vinnuvideo av Finnur Fríða her
Sí fiskiloyvir, vm. í Teyggjan her
