P/F Varðin Pelagic á Tvøroyri stórt yvirskot

Bruttoúrslitið gjørdist góðar 130 mió kr, móti 44 mió kr árið fyri, tá felagið bert var í framleiðslu í 5 mánaðir.

 

Hóast leiðslan er nøgd við úrslitið, gjørdist tað heldur lakari enn hon metti frammanundan – hetta mest orsaka hægri fíggjarkostnaði – framgongur av leiðslufrágreiðingini í roknskapinum, ið júst er kunngjørdur á Business-line, BL.FO.

 

P/F Varðin Pelagic framleiðir lidnar vørur úr rávøru frá uppisjóvarskipum. Felagið hevur egna søludeild og hevur longu staðfest støðu sína sum ein av stóru útflutningsfyritøkunum í Føroyum.

 

58 milliónir vóru útgoldnar í lønum til tey 170 starvsfólkini, ið starvast í felagnum á havnalagnum á Tvøroyri.

 

Eginognin hjá P/F Varðin Pelagic var við árslok góðar 136 mió kr,

 

Sí upplýsingar um stjórn, nevnd, vm. hjá felagnum í vinnuskránni BL.FO  her