Vænta rentulækkingar í 2024

Um vøksturin í búskapinum í Evropa steðgar upp og arbeiðsloysið fer at vaksa, kann hetta útloysa eina sparing hjá húsaeigarum í 2024, vænta búskaparfrøðingar.

Meðan renturnar árini 2022 og 2023 hava verið støðugt hækkandi, vænta serfrøðingar, at støðan verður tann øvugta í 2024, tá væntast kann, at renturnar aftur fara at lækka.

Hesar metingar skulu tó takast við fyrivarni, tí serfrøðingar hava meira enn einaferð mett skeivt um rentugongdina.

Hesu ferð koma metingarnar fra bankagreinarum hjá størstu norðurlendsku bankunum, Danske Bank og Nordea og Sydbank.

Allir hesir bankar vænta, at evropeiski miðbankin ECB fer at lækka renturnar í 2024. Hendir hetta, fer marknaðarrentan samstundis at lækka, til fyrimunar fyri sethúsaeigarar og vinnulív, skrivar Børsen í dag.