Smyril Line: Tilsamans 90 mió kr í avlopi í fýra ár
9. apr. 2015Úrslitið hjá P/F Smyril-Line fyri 2014 vísir eitt avlop á 36 mió kr. Í ársfrágreiðingini framgongur, at nevnd og leiðsla felagsins eru nøgd við úrslitið. Høvuðsorsøkin til góðu gongdina er ein støðugur vøkstur í søluni og ein framhaldandi effektivur rakstur.
Nevnd og leiðsla kunnu staðfesta, at allir pílar peika rætta vegin. Hægri søla, fleiri ferðafólk, meira av farmi og lágir oljuprísir. Samstundis kann leiðslan fegnast um, at Nørrøna av Sjóvinnustýrinum varð kosið ársins skip í fjør.
Úrslitið í fjør á 36 mió er 4 mió kr betri enn undanfarna ár, ið var metár hjá felagnum. Samlaða úrslitið hjá felagnum er sostatt komið upp á slakar 90 mió kr fyri tey seinastu fýra árini.
Miðal starvsfólkatalið hjá P/F Smyril-Line var í fjør 185 og eginpeningurin var við árslok 216 mió kr.
Sí vinnuskránna hjá P/F Smyril-Line í BL.FO her
