Stórt avlop hjá P/F Faroe Ship

Tað er ein væl rikin fyritøka, fráfarandi stjórin í P/F Faroe Ship, Jóhanna á Bergi, handar sínum eigarum, nú hon velur at takka fyri seg sum leiðandi stjóri í stóra flutningsfelagnum. Umsetningur hjá P/F Faroe Ship fór í 2014 upp um 600 mió kr. og er vaksin støðugt øll tey seinastu árini. Í 2010 var sølan 258 mió kr., og er sostatt væl meira einn tvífaldað tey seinastu 5 árini.

Hóast kappingin í flutningsvinnuni er beinhørð, hevur kortini borið til hjá stóra flutningsfelagnum at vinna pening. Avlopið í fjør var slakar 46 mió kr í fjør. Verða avlopini seinastu 5 árini samantald, nærkast tey 300 mió kr. tilsamans eftir skatt.

Samanbera vit sølu og avlop í 2014 hjá P/F Faroe Ship við tey somu hjá P/F Atlantic Airways, sæst, at P/F Faroe Ship seldi fyri 604 mió kr, meðan AA seldi fyri 574 mió kr. Og meðan P/F Faroe Ship hevði avlop eftir skatt í fjør uppá 46 mió kr, var avlopið hjá AA góðar 16 mió kr., ella ein triðing í mun til P/F Faroe Ship.

Sí vinnuskránna hjá P/F Faroe Ship her