Svenska krónan setur botn-met

Lágur krónukursur og høgur prísvøkstur eru ein avbjóðing hjá Svøríki, sum er fangað í eini tvístøðu.

Seinasta mánadag rakti svenska krónan søguliga lágt støði. 100 svenskar krónur kosta nú 62 danskar. Hetta er lægsti kursur sum er skrásettur í nýggjari tíð, skrivar Børsen.

– Hetta er framhald av einum longum niðurtúri hjá svensku krónuni, sigur Jan Størup, leiðandi greinari hjá Nordea.

– Orsøkin til stóra mótvindin hjá norsku krónuri er høga inflatiónin, sum er hægri í Svøríki enn í flestu londum.

Í juli var inflatiónin í Svøríki 6,4 %. Til sammetingar var hon í Danmark 3,1%. Hetta setur svenska tjóðbankan í eina tvístøðu. So leingi sum virðið á svenski krónuni fellur, er torført at vinna á inflatiónuni og tað gerst dýrari at vera svii, sigur greinarin við Børsen.