Norski oljugrunnurin bólgnaði við   2.222 mia NOK í fjør

Úrslitið er tað besta í søguni hjá Norska oljugrunninum og svarar til, at virðið á grunninum í fjør hækkaði 16,1 %.

Við árslok 2023 var virðið á norska oljugrunninum 15.765 mia. NOK, svarandi til 10.394 mia. DKK.

Ein partur av virðisøkingini er tó komin uttan grunnsins ávirkan, tí hetta er ein spegilsmynd av. at norska krónan er viknað í 2023.

Íløgurnar vera gjørdar í útlendskum gjaldoyra, sum hækka í virði, tá norska krónan viknar.

Broytingar í gjaldoyrakursum góvu grunninum eina virðisøking áljóðandi 409 mia NOK í 2023.