Virkin tænastufyritøka við stórum avlopum
5. aug. 2014Tað hevur gingið støðugt framá hjá Sp/f KBI øll árini síðan fyritøkan í 2002 sá dagsins ljós í eini lítlari skrivstovu í leigaðum hølum í Klaksvík. Longu í 2005 flutti fyritøkan inn í stásiligan bygning í ídnaðarøkinum í Klingrugarði í Klaksvík, har felagið rekur heilsølu og handil.
Avlopið eftir skatt gjørdist 1,8 mió kr, tá avsetti skatturin uppá kr. 415.000 var goldin. Hetta er ein framgond uppá kr. 200.000 í mun til undanfarna árið
SP/F KBI er veitari av ymiskari útgerð til skip s.s. smyrjiolju, amboðum og reingerð. Til byggi- og framleiðsluvinnuna við ymiskum amboðum og maskinum.
Eginpeningurin hjá SP/F KBI var við árslok slakar 10 mió kr. Starvsfólkatalið er í miðal 10.
Fá fleiri upplýsingar um KBI í vinnuskránni BL.FO her
