Gazellevinnari hevði ein vøkstur uppá 17.649 % seinastu fýra árini

Skjótast vaksandi danska vakstrarfyritøka (Børsen gazellevinnari 2024) er fyritøkan MARS í Frederikshavn, sum fæst við upphøgging av risastórum skipum off-shore pallum.

MARS stendur fyri Modern American Recycling Services, Europe A/S.

Vøksturin uppá 17.649% er størsti vøkstur ið nøkur donsk fyritøka hevur megnað síðan Børsen byrjaði sínar árligu uppgerðir yvir skjótast vaksandi fyrtøkur í Danmark. Hesar uppgerðir vóru  fyrstu ferð gjørdar í 1995.

MARS arbeiðir við upphøgging av risastórum skipum og off-shore pallum, sum verða fullkomiliga skild sundur so at túsundavís av stáli, aluminium, zinki, elkaðalum, rørum, vm kunnu endurnýtast ella innganga í nýggjar framleiðslur.

MARS, ið hevur eigarar úr USA, ræður yvir nærum 300.000 fermetrum í havnini í Frederikshavn og er heimsins fyrsta av sínum slagi. Samstundis kann fyritøkan breggja sær av at vera heimsins størsta av sínum slagi, sambært stjóranum Kim Thygesen.